ჩვენი პლატფორმა azomva.com გამორჩეულია იმით, რომ მოკლე დროში, რამდენიმე შეთავაზების მიღების საშუალებას გაძლევთ განსხვავებული  ფასებით. სამუშაოს ღირებულება, რა თქმა უნდა გადამწვეტია. რას უნდა მივაქციოთ ყურადღება:

მნიშვნელოვანია ტრანსპორტირების ხარჯები. თუ ამზომველი თავის ხარჯით (ე. ი. საკუთარი ტრანსპორტით) უნდა მოვიდეს ასაზომად, ის აუცილებლად შეიყვანს ამ ხარჯს ღირებულებაში. თუ თქვენ შეგიძლიათ წაიყვანოთ ჯგუფი (საშუალოდ ორი სპეციალისტი) ადგილზე, ეს ღირებულებას საგრძნობლად შეამცირებს. ასე, რომ განცხადებაში მონიშვნის დროს, ეს გაითვალისწინეთ.

განცხადების შევსების დროს, უნდა მიუთითოთ ორი ვადა:

1. განცხადების ვებ-გვერდზე მოქმედების ვადა (1 დღე, 2 დღე, 3 დღე).
2. შეკვეთის შესრულების ვადა (1 დღე, 2 დღე, 7 დღე).

თუ ჩვენ ავირჩევთ მცირე ვადებს, მაგალითად 1 დღე. ეს ნიშნავს, რომ ამზომველი იმავე დღეს უნდა წამოვიდეს ადგილზე აზომვის სამუშაოების ჩასატარებლად, შემდეგ დაბრუნდეს ოფისში, მოამზადოს ნახაზი და მაქსიმუმ მეორე დღეს გადმოგცეთ თქვენ.  დრო, რა თქმა უნდა, ფული ღირს. მსგავსი ვადის მითითებით, თქვენ აძვირებთ სერვისს.

თუ თქვენ არ გეჩქარებათ ნახაზის მიღება, მიუთითეთ განცხადების მოქმედების ვადა 3 დღე და შეკვეთის შესრულება 7 დღეში. ეს მიანიშნებს ამზომველს, რომ საკმარისი დრო აქვს შეკვეთების მოსამზადებლად და დასაჯგუფებლად. შესაბამისად, შემოგთავაზებთ დაბალ ფასს.